港式奶茶水滾茶靚　3句口訣沖出奶茶香

瓦杯鐵匙配上香滑奶茶，係香港茶餐廳嘅標誌。一杯港式奶茶由落單到端上時間雖短，但當中嘅步驟同技巧並唔簡單，港式奶茶訓練班導師謝忠德傳授當中秘技。

原來港式奶茶會結合粗茶、中茶、幼茶三種茶葉，粗茶茶香濃帶回甘；幼茶茶味重，而中茶便是粗與幼間嘅橋樑，提升奶茶嘅層次感。

一杯奶茶好唔好飲，則可按茶色、茶香、茶味、口感及回茶5大準則去評價。

【延伸閱讀】奶茶杯子的學問　奶茶杯身厚度暗藏秘密

▲ 相片來源：晴報

【延伸閱讀】奶茶最佳拍擋：蛋撻、西多士、菠蘿油定牛治？

沖奶茶有口訣

謝師傅仲話沖港式奶茶有口訣：

一沖，二撞，三座

先將茶葉放入茶袋，注入熱水煲8分鐘；而撞茶（將茶從高處倒下）係最關鍵嘅步驟，秘訣係要撞「兩手」，即來回4次，撞茶距離愈高、力度愈大，茶味更均勻，從中帶入更多空氣，令茶味更香；最後要座番熱啲茶，落埋奶大功告成。

【延伸閱讀】孿生兄弟奶茶通俗學　紀錄港式茶記情懷

早前生產黑白淡奶嘅菲仕蘭，聯同基督教香港信義會社會服務部舉辦「新一代港式奶茶師傅訓練班」，為近30名待業中年、青年同婦女提供茶記培訓，除沖港式奶茶，仲有其他茶記小食同飲品，訓練班包括理論課堂、考核同實習，整個完整課程歷時4個幾月，學員就可戴「四方帽」成為茶記新血。

【其他熱話】從中醫角度解說咖啡奶茶 濕疹人士不宜飲奶茶

【其他熱話】萌兔掛飾大熱 你在輕撫血腥真兔毛

全文刊於《晴報》

晴報Facebook

標題經TOPick修改，原題為「港式奶茶點至好飲？ 水吧師傅教5招品茶」